АДÆМЫ ТЫХХÆЙ

Диссаг у, æвæдза, Ирыстон дунейæн цал æмæ цал сгуыхт адæймаджы радта,
уый. Культурæйы кусджытæ, спорстментæ, ахуыргæндтæ, æфсæддонтæ,

политиктæ æмæ афтæ дарддæр – чи сæ фæуыдзæн нымад.

Æгас дунейыл хъуыстгонд сты дирижертæ Дудараты Вероникæ æмæ Гергиты

Валерий, балеринæ Адырхаты Светланæ, æвæджиауы курдиатджын актер

Тæбæхсæуты Бало, номдзыд спорстментæ Андиаты Сослан, Гæззаты Валерий,

Давид Мусульбес, сæрмагонд хæрзиуæг «сызгъæрин борцовкæ», зæгъгæ, уый

фыццаг райсæг Фадзаты Арсен, тæккæ номдзыддæр ахуыргонд Абайты Васо,

ихсæттæг нау «Арктикæ»-йы капитан Кучиты Юрий. Дзæуджыхъæуы райгуырд

æмæ бирæ фæцард хъуыстгонд Евгений Вахтангов. Советон Цæдисы

хъæбатырты номхыгъды ирон адæмæй ис дæсгай мыггæгтæ, адæмыхатты

бæрцмæ гæсгæ та хæстæмхиц аланты фæдонтæ сты фыццаг бынаты. Э.

Хемингуэйы роман «По ком звонит колокол»-ы хъайтар Роберт Джорданы

фæссурæт – инæлар-булкъон, Советон Цæдисы дыууæ хатты Хъæбатыр

Мамсыраты Хаджумар, зындгонд инæлар Ксанти. Аланийы хуыздæр

минæвæрттæй сæрбæрзонд сты Кавказ æмæ Уæрæсе.

Ныр дæр нæм чысыл нæй зындгонд адæм. «Сæрмæт ТВ» уæ зонгæ кæндзæн

семæ, стыр æнтыстытæ кæй къухы бафтыд кæнæ бафтдзæн, уыдонимæ. Уырны

нæ, хæстæгдæр фидæны сæ нæмттæ историйы сыфтыл фыст кæй æрцæудзысты, уый.