Фæсарæнтæ

Телевизион кинонывтæ, программæтæ, музыкалон клиптæ, æндæр ахæм
видеоæрмæджытæ уæ бон фенын уыдзæн нæ сайтыл. Канд телеуынынады
дæснытæ йæ нæ араздзысты, фæлæ ма сымах дæр.
Нæ продюсерты, журналистты, редакторты, режиссерты æмæ операторты
къорды уæнгтæ сæ зæрдæ дарынц нæ «сæрмагонд уацхæсджытыл» дунейы алы
кæрæтты. Мах иттæг раст домæнтæм гæсгæ ист видеоæрмæгыл нæ цуан кæнæм
– уый сæйраг нæу. Сæйрагдæр нæм кæсы, ирон адæймаг а-зæххыл йæ къахвæд
кæм ныууагъта, уый уæ руаджы базонын.
Сымахæн уыдзæн уæхи тыххæй радзурыны бар, куыд цæрут уæ фыдыуæзæджы,
кæнæ та дард ран искуы, куыд ахуыр кæнут æндæр адæмыхатты культурæйыл
æмæ куыд хъахъхъæнут уæхи мидварн. Тынг цымыдис нæм кæсы уый!
Æнхъæлмæ уын кæсдзыстæм уæ ног фыстæджытæ, видеороликтæ, чысыл
серитæ, кæнæ та суанг æххæст кинонывтæм дæр.