Культурæ

Культурологты хъудымæ гæсгæ, æппæтдунеон литературæ,аивады уидæгтæ цæуынц Библийæ. Ирон культурæ бындурæвæрд у ирон адæмы традицион культурæйыл, æмæ уый фæрцы хъахъхъæд æрцыд ирон этникъон иудзинад. Фæлæ ма историк Бзарты Руслан куыд нымайы,афтæмæй :”Ирон традицион культурæ хицæн кæны æввахс æм цы культурæтæ ис, уыдонæй, уымæн æмæ йын æрмæст къуындæгэтникъон нысаниуæг нæй. Европæйаг ахуырады ирон традицион культурæйæн снысан кодтой æппæтцивилизацион алфæмбылай, уымæн æмæ æнæдæр никæмæ ис ахæм скифаг-алайнаг-ирон социалон, историон, культурон, æвзаджы бастдзинад рагон фыдæлтимæ,уыцы бастдзинад ма бахъахъæтта рагзаманы индоирайнаг, индоевропейаг монон хæзна,æхсæнады сконды фæтк, æвзаджы структурæ мæ зондахаст. Бæлвырдæй гæнæн ис рахицæн кæнын æртæ бындурæвæрæг феномены, кæдон нысан кæнынц скифаг-алайнаг-ирон культурон традицйы хæдбындурдзинад:индоевропейаг иунæг Хуцауæн кувæн дин, социалон организаци, лæгдзинады кодекс”. Фæстæдæр фæзынгæ ирон “бæрзонд культурæ “(литературæ, музыкæ, нывкæнын аивад, театр , кино) дæр уыцы бындурæвæрæг феноментыл æрцыдис арыст æмæ уникалон, хæдбындур уымæн у.