Япойнæгтæ уал фæлæудзысты. Нæ лæппутæ – чемпионтæ!
Олимпаг ерысты хыгъды чи нæй, спорты уыцы хуызтæй Дæсæм Æппæтдунеон Хъæзтытæ цыдысты Польшæйы горæт Вроцлавы. Уæрæсейы Профессионалон сумойы Федерацийы уæнгты ‘хсæн уыдысты 2 ирон лæппуйы дæр – Хъазиты Ацæмæз æмæ Мæргъиты Василий. Цы сын бантыст, фæрсут? Сызгъæрин иууылдæр мах баци! Ныр япойнæгтæй иутæ нæ лæппутæй автографтæ курынц, иннæтæ та семæ сæ къамтæ исынц. Хъазиты Ацæмæз фæуæлахиз хи бæрæггæнæнтæм гæсгæ, Мæргъиты Василий та сумойæ дыккаг хатт ссис ацы Хъæзтыты чемпион. Уæлдай арфæтæ – спортсменты тренер Токаты Владиславæн. Профессионалон сумойы Федерацийы уæлахиздзаутæн “æгасцуай” загътой хæрзаудæн фонд “Сæрмæттæ”-йы сæрдар Бæройты Олег, Федерацийы сæрдар Гæбæраты Алан æмæ зындгонд актер Александр Панкратов-Черный.
Дзырд бахæссын